थाइल्यान्डमा वैभवीलाई स्वर्णसहित तीन पदक
काठमाडौँ । थाइल्यान्डमा सम्पन्न आठौं हिरोज अन्तर्राष्ट्रिय तेक्वान्दो प्रतियोगितामा नेपालकी वैभवी सापकोटाले उत्कृष्ट प्रदर्शन गरेकी छिन् ।
सापकोटाले एक स्वर्ण र दुई कास्यसहित तीन पदक जितेकी हुन् ।
अगष्ट ९ देखि १० तारिखसम्म भएको उक्त प्रतियोगितामा २७ राष्ट्रका ४ हजार भन्दा बढी खेलाडीको सहभागिता रहेको थियो ।
थाइल्यान्डको पटायामा सम्पन्न उक्त प्रतियोगितामा १० वर्षीय वैभवीले फिलिपिन्स र थाइल्यान्डका खेलाडीलाई पछी पार्दै स्पीड किकमा स्वर्ण पदक जितेकी हुन् ।
क्योरोगी विधामा वैभवी सेमिफाइनलमा थाइल्यान्डसँग पराजित हुँदै कास्य पदकमा सिमित रहिन् । त्यसैगरी, पुम्से विधामा दुई राउण्ड जित हासिल गर्दै कास्य पदक हात पारिन् ।
प्रकाशित मिति: आइतबार, साउन २५, २०८२ १४:५६
प्रतिक्रिया दिनुहोस्
साताको लोकप्रीय
