पूर्वराजा शाहद्वारा जानकी मन्दिरमा पूजापाठ
महेन्द्रनगर- पूर्वराजा ज्ञानेन्द्र शाहले आज जनकपुरधामस्थित प्रसिद्ध जानकी मन्दिरमा पूजापाठ गरेका छन्।
मन्दिरमा उनले विधिपूर्वक पूजा–अर्चना गर्दै देशमा शान्ति, समृद्धि र जनकल्याणको कामना गरेको जनाइएको छ । पूर्वराजा शाह धार्मिक विधिमासमेत सहभागी भएका थिए। उनको आगमनका क्रममा मन्दिर परिसरमा सर्वसाधारण तथा भक्तजनको उल्लेख्य उपस्थिति रहेको थियो।
पूर्वराजा शाहले जानकी मन्दिरदेखि करिब ५०० मिटरको दूरीमा रहेको राम मन्दिरको समेत दर्शन गरेका थिए। उनले राजदेवी मन्दिरको पनि दर्शन गरेका थिए। त्यसैगरी आजै साँझ गङ्गासागरमा आयोजना गरिएको गङ्गा आरतीमासमेत सहभागी भएका थिए ।
प्रकाशित मिति: सोमबार, माघ १२, २०८२ २१:३७
प्रतिक्रिया दिनुहोस्
साताको लोकप्रीय
-1768314896-1768352602.jpeg)
