काठमाडौं। फिफा विश्वकप फुटबल अन्तर्गत समुह ‘एच’ को खेलमा स्पेनले साउदी अरेबियामथि शानदार जित निकालेको छ ।
एटलान्टा स्टेडियममा सम्पन्न खेलमा स्पेनले साउदी अरेबियामाथि ४–० गोलअन्तरको जित निकालेको हो ।
स्पेनले खेलको पहिलो हाफमा तीन गोल गर्दा दोस्रो हाफमा एक गोल उपहार पायाे ।
खेलको १०औं मिनेटमा स्पेनका लामिन यामालले गोल गर्दै टोलीलाई सुरूवाती अग्रता दिलाएका थिए ।
त्यसपछि खेलको २१ औं मिनेटमा मिकेल ओयार्जाबालले गोल गर्दै स्पेनको अग्रता दोब्बर बनाए ।
त्यसको तीन मिनेटपछि नै उनले नै तेस्रो गोल गरेपछि स्पेन ३–० ले अघि बढेको थियो।
खेलको ४९ औ मिनेटमा साउदीका खेलाडी हसन अल्ताम्बक्तिले स्पेनका लागि आत्मघाती गोल गरे । त्यसपछि खेलमा दुवै टोलीबाट गोल हुन सकेन र खेल स्पेनले ४–० गोलले जित्यो।
जितसँगै स्पेन दुई खेलबाट ४ अंक जोड्दै समूह ‘एच’ को शीर्ष स्थानमा उक्लिदै नकआउट चरणमा पुग्ने सम्भवना बलियो बनाएको छ ।
