इन्डोनेसियामा भीषण बाढी-पहिरो : मृतकको संख्या ७०० नाघ्यो, ५०० बेपत्ता
इन्डोनेसिया- इन्डोनेसियाको सुमात्रा टापुमा विनाशकारी बाढी र पहिरोबाट मृत्यु भएकाको संख्या ७०० नाघेको छ। कम्तीमा ५०० जना बेपत्ता छन्।
धेरै जना हिलोमा फसेको आशंका गरिएको छ। लगभग १० लाख मानिसलाई घरबाट उद्धार गरिएको छ।
बाढी-पहिरोबाट बढी पीडित क्षेत्रहरूमा अझै पनि महत्त्वपूर्ण सहायता पुग्न सकेको छैन।
बाढीपीडित क्षेत्रका धेरै मानिसहरूले आफूहरू सफा पानी, चामल वा फोन सिग्नल खोज्न घण्टौँ हिँड्नुपरेको बीबीसीसँग बताएका छन्।
बाढीको पानी र भग्नावशेषका कारण धेरैजसो सडक आवतजावत गर्न नसकिने भएका छन्।
सहायताकर्मीहरू पैदल र मोटरसाइकलबाट बाढीपीडितहरूसम्म पुग्ने प्रयास गरिरहेका छन्।
प्रकाशित मिति: बुधबार, मंसिर १७, २०८२ ०६:१२
प्रतिक्रिया दिनुहोस्
साताको लोकप्रीय
