काठमाडौं । वैद्य एनर्जी प्रालिले नयाँ एथर रिज्टा एस सार्वजनिक गर्ने तयारी गरेको छ । नाइमा एक्स्पो २०२५ मा सार्वजनिक गरिएको एथर रिज्टा जेडलाई प्राप्त अत्यधिक सकारात्मक प्रतिक्रियापछि  र बढ्दो पेट्रोल मूल्यको सन्दर्भमा एथर रिज्टा एस सार्वजनिक गर्न लागिएको हो ।

कम्पनीका अनुसार यस मोडेलले प्रिमियम आराम, दैनिक प्रयोगमा सहजता र उत्कृष्ट मूल्यलाई एकैसाथ उपलब्ध गराउँदै विद्युतीय सवारीतर्फको रूपान्तरणलाई अझ तीव्र बनाउने लक्ष्य राखेको छ।

नेपाली परिवारहरूको आवश्यकता ध्यानमा राखी डिजाइन गरिएको रिज्टा एसलाई सबैभन्दा व्यवहारिक र सहज पहुँचयोग्य इलेक्ट्रिक स्कुटरका रूपमा प्रस्तुत गरिएको छ, जसले स्मार्ट र दिगो यातायाततर्फ नेपाललाई अघि बढाउन मद्दत गर्नेछ।

९९९ रुपैयाँ मा बुकिङ खुला

देशभरका ग्राहकहरूले अब केवल ९९९ रुपैयाँको प्रारम्भिक रकममा रिज्टा एस बुक गर्न सक्ने कम्पनीले जानकारी दिएको छ ।

प्रारम्भिक ग्राहकहरूले विशेष परिचयात्मक मूल्य लाभ लिन सक्नेछन्, जसले रिज्टा एसलाई बजारकै उत्कृष्ट मूल्य–प्रदर्शन भएको ईभी बनाउँछ।

रिज्टा एस नेपाली परिवारहरूको आवश्यकता केन्द्रमा राखेर डिजाइन गरिएको कम्पनीको भनाइ छ । रिज्टा एसमा अधिकतम १२३ किमी रेन्ज छ, जुन दैनिक आवागमनका लागि उपयुक्त हुन सक्छ । यस्तै १० मिनेटमै १५ किमिसम्मको दुरी थप्न सकिने फास्ट चार्जिङ सुविधा छ ।

रिज्टामा ३४ लिटरको विशाल अन्डरसीट स्टोरेज रहेको छ, जुन पारिवारिक उपयोगका लागि उपयुक्त हुन्छ । यस्तै, सबै उमेर समुहको लागि सहज यात्रा गर्न मिल्ने गरी आरामलाई प्राथमिकता दिने डिजाइनमा तयार पारिएको छ ।

रिज्टा एसले ८० किमी प्रतिघण्टा अधिकतम गति दिने कम्पनीले जानकारी दिएको छ । यसका साथै, रिभर्स मोड, अटो होल्ड र पार्किङ एसिस्ट जस्ता सुविधाहरूले व्यस्त सहरमा समेत सहज र तनावमुक्त सवारी अनुभव प्रदान गर्छ।

दीर्घकालीन विश्वास र सुनिश्चितता

एथरले सधैं विश्वसनीयता र ग्राहक सन्तुष्टिलाई प्राथमिकता दिएको छ। रिज्टा एसमा ५ वर्षसम्मको विस्तारित ब्याट्री वारेन्टी सहितका बलिया वारेन्टी विकल्पहरू उपलब्ध छन्, जसले विद्युतीय सवारीतर्फ सर्ने ग्राहकहरूलाई दीर्घकालीन आत्मविश्वास प्रदान गर्छ।

विद्युतीय भविष्यतर्फ सहज यात्रा

नेपालमा रिज्टा जेडले पाइसकेको लोकप्रियताका आधारमा, रिज्टा एसलाई ईभीतर्फको उत्कृष्ट प्रवेश बिन्दुका रूपमा डिजाइन गरिएको छ—विशेष गरी पेट्रोल स्कुटरको सट्टा किफायती, झन्झटरहित र भविष्य–तयार विकल्प खोजिरहेका परिवारहरूका लागि।

कम्पनीका अनुसार एथर रिज्टा एस देशभर मार्च २७, २०२६ देखि आधिकारिक रूपमा सार्वजनिक हुनेछ, र एथर एक्सपिरियन्स सेन्टरहरू मार्फत उपलब्ध हुनेछ।