काठमाडौँ । चेक अनादार गरी बैँकिङ कसुर गरेको अभियोगमा  जिल्ला समन्वय समिति काभ्रेका प्रमुख दिपककुमार गौतम पक्राउ परेका छन् ।

उनी जिल्ला समन्वय समिति महासंघका उपमहासचिवसमेत रहेका उनलाई काठमाडौँबाट पक्राउ गरिएको बृत्तका प्रमुख प्रहरी नायव उपरीक्षक  बिरेन्द्र गोदारले जानकारी दिएका छन् । 

गौतमविरुद्ध बैंकिङ कसुरसम्बन्धी काठमाडौँमा ३ वटा र काभ्रमा ३ वटा जाहेरी परेको प्रहरीको भनाइ छ । उनी लामो समयदेखि चेक अनादारलगातका मुद्धामा फसेका छन् । कतिपय मुद्दाको फैसला भइसकेको छ भने कतिपय अझै पनि अदालतमा बिचाराधीन रहेको बताइएको छ । 

पछिल्लो पटक उनलाई कुन केसमा पक्राउ गरिएको हो भन्ने विषयमा भने प्रहरीले केही बताएको छैन ।