काठमाडौं । बुद्ध एयरले लामो समयदेखि रोकिएको नेपालगञ्ज–पोखरा नियमित उडान भदौ ३१ गतेबाट पुनः सुरु गर्ने भएको छ । 

भदौ अन्तिम साताबाट पोखरा–नेपालगञ्ज नियमित हवाई सेवा सुरु गर्न लागेको बुद्ध एयरले जनाएको छ । यो रुटमा हवाई सेवा रोकिदा ठूलो संख्यामा यात्रुहरु प्रभावित बनेका थिए । 

त्यसैले यात्रुको माग बढेसँगै पुनः उडान सुरु गर्न लागेको बुद्ध एयरको भनाई छ । यो रुटमा पुनः उडान सुरु भएसँगै भारतबाट नेपालगञ्ज हुँदै पोखरा घुम्न आउने पर्यटक सडक मार्ग वा कठमाडौं हुँदै पोखरा जानुपर्ने बाध्यता हट्नेछ । 

गत जेठ ५ गतेदेखि यो रुटमा उडान स्थगित गरिएको थियो । अब आइतबार, बुधबार र शुक्रबार नेपालगञ्ज–पोखरा उडान हुनेछ ।