गाँजा र ब्राउन सुगरसहित पर्साबाट २ जना पक्राउ
पर्सा । गाँजा र लागुऔषध ब्राउन सुगरसहित २ जना पक्राउ परेका छन् । पक्राउ पर्नेमा पटेर्वासुगौली गाउँपालिका–४ भथौराका ७० वर्षीय दुखी महतो र एक भारतीय नागरिक रहेका छन् ।
भारतीय नागरिकलाई वीरगञ्ज महानगरपालिका–२१ परवानीपुरबाट नियन्त्रणमा लिइएको जिल्ला प्रहरी कार्यालय पर्साले जनााएको छ ।
महतोलाई घरबाट १८ किलो ४ सय ग्राम गाँजासहित पक्राउ गरिएको हो भने भारतीय नागरिक ब्राउन सुगरसहित पक्राउ परेका छन् ।
जिल्ला प्रहरी कार्यालयका अनुसार नियमित गस्तीमा रहेको प्रहरी टोलीले उनीहरूलाई बिहीबार पक्राउ गरेर अनुसन्धान सुरु गरेको छ ।
प्रकाशित मिति: शुक्रबार, भदौ २६, २०८३ ०६:५६
प्रतिक्रिया दिनुहोस्
साताको लोकप्रीय
