देशका हिमाली र पहाडी क्षेत्रमा हल्का वर्षा र हिमपातको सम्भावना
काठमाडाैं। हाल देशमा पश्चिमी वायु र मनसुनी वायुको आंशिक प्रभाव रहेका कारण देशका हिमाली भू-भागमा आंशिक बादल लागेको छ ।
देशका पहाडी र तराई भू-भागमा मौसम मुख्यतया सफा रहेको जल तथा माैसम पूर्वानुमान महाशाखाले जनाएकाे छ ।
आज दिउँसो देशको हिमाली र पहाडी भू-भागमा आंशिक बादल लाग्ने तथा तराई भू-भागमा मौसम मुख्यतया सफा रहनेछ।
देशका हिमाली भू-भागका साथै बागमती, गण्डकी र लुम्बिनी प्रदेशको पहाडी भू-भागका एक-दुई स्थानमा हल्का वर्षा/हिमपातको सम्भावना छ ।
आज राति पनि देशको हिमाली भू-भागमा आंशिक बादल लाग्ने तथा पहाडी र तराई भू-भागमा मौसम मुख्यतया सफा रहनेछ ।
कर्णाली र सुदूरपश्चिम प्रदेशको हिमाली भू-भागका एक-दुई स्थानमा हल्का वर्षा/हिमपातको सम्भावना रहेको महाशाखाले जनाएको छ ।
प्रकाशित मिति: बुधबार, असोज २८, २०८३ ०७:०३
प्रतिक्रिया दिनुहोस्
साताको लोकप्रीय
