महदेवा गाउँपालिकाका पूर्वअध्यक्ष यादवको निधन
सप्तरी- सप्तरीको महदेवा गाउँपालिका पूर्वअध्यक्ष दीपककुमार यादवको ६८ वर्षको उमेरमा निधन भएको छ।
महदेवा गाउँपालिका–३, बथनाहा निवासी यादव जनता समाजवादी पार्टी नेपालका केन्द्रीय सल्लाहकार थिए। लामो समयदेखि उनी क्यान्सर रोगबाट पीडित थिए।
चिकित्सकको निगरानीमा उपचाररत रहेका उनको आफ्नै निवासमा निधन भएको जनता समाजवादी पार्टी नेपाल सप्तरीका अध्यक्ष केदारप्रसाद यादवले जानकारी दिए।
यसैबीच यादवकको निधनप्रति जसपा सप्तरीले गहिरो दुःख व्यक्त गर्दै समवेदना व्यक्त गरेको छ।
प्रजातान्त्रिक आन्दोलन, जनआन्दोलन र मधेश आन्दोलनमासमेत उनले सक्रिय सहभागिता जनाएका थिए। उनका एक छोरा, एक छोरी र पत्नी छन्।
प्रकाशित मिति: बिहीबार, भदौ १२, २०८२ ०७:१५
प्रतिक्रिया दिनुहोस्
साताको लोकप्रीय
