एसईई नतिजा आजै सार्वजनिक गर्ने तयारी

यसरी हेर्न सकिन्छ नतिजा

वडापालिका आइतबार, वैशाख २७, २०८३

काठमाडाै‌ । राष्ट्रिय परीक्षा बोर्ड ले माध्यमिक शिक्षा परीक्षा (एसईई) को नतिजा सार्वजनिक गर्ने तयारी अन्तिम चरणमा पुगेको जनाएको छ। परीक्षा नियन्त्रण कार्यालय सानोठिमी ले नतिजा सार्वजनिक गर्ने तयारी पूरा भएसँगै विद्यार्थीले नतिजा हेर्न सक्ने विभिन्न माध्यमहरूको सूची सार्वजनिक गरेको हो।

सूचनाअनुसार विद्यार्थीहरूले एसईईको नतिजा एसएमएसमार्फत वा सम्बन्धित वेबसाइटमा गएर सहजै हेर्न सक्नेछन्।

त्यसैगरी, नियमित तथा ग्रेडवृद्धि परीक्षाको नतिजा एसएमएस र आईभीआर सेवा मार्फत तीन विभिन्न माध्यमबाट प्राप्त गर्न सकिनेछ। साथै, नतिजा १४ वटा वेबसाइटमा समेत एकसाथ प्रकाशन गरिने कार्यालयले जनाएको छ।

एसएमएस र आईभीआरबाट नतिजा हेर्ने तरिका: तल दिइएका सर्टकोडमा एसएमएस पठाएर वा फोन गरेर आफ्नो नतिजा प्राप्त गर्न सकिनेछ।

नेपाल टेलिकम: १६०० (SMS/USSD र IVR सेवा)
जानकी टेक्नोलोजी: ३५००१ (SMS सेवा मात्र)
एम्बिसन गुरु: ३१०६९ (SMS सेवा मात्र)

वेबसाइटबाट नतिजा हेर्ने ठेगानाहरू: इन्टरनेटको माध्यमबाट विस्तृत नतिजा र मार्कसिट हेर्नका लागि कार्यालयले सरकारी तथा निजी क्षेत्रका १४ वटा वेबसाइटलाई अनुमति दिएको छ।

राष्ट्रिय परीक्षा बोर्डको वेबसाइट : www.see.gov.np र www.neb.gov.np