काठमाडौँ । बित्तीय शुसासन जोमिख मूल्यांकनमा देशभरकय स्थानीय तहमध्ये ललितपुर महानगरपालिका र इलामको देउमाइ नगरपालिका उत्कृष्ट देखिएका छन् । 

विभिन्न ५ सूचकका आधारमा स्थानीय तह आफैँले आफैँलाइ नम्बर दिने र त्यसलाई सम्वन्धित जिल्ला सामन्वय समितिले मूल्यांकन गरेपछि यसकाे अन्तिम नतिजा प्रकाशित हुने गर्छ । 

१०० अंकमा मापन गरेर नम्बर दिइने यो मूल्यांकनमा योजना, बजेट तथा कार्यक्रम व्यवस्थापन, कार्यान्वयन क्षमता व्यवस्थापन, लेखाङ्कन तथा प्रतिवेदन, अनुगमन मूल्याङ्कन तथा लेखापरीक्षण र राजस्व व्यवस्थापनमा गरी पाँच वटा बुँदामा मूल्यांन हुने गरेको छ । 

योसहितका ४ वटा सूचकको मूल्यांकनका आधारमा संघीय सरकारले स्थानीय तहलाई मन्त्रालयले बजेट उपलव्ध गराउने गर्छ ।

वित्तीय व्यवस्थापनका सम्भावित जोखिमका क्षेत्रको पहिचान गरी यसको लेखाजोखाको माध्यमबाट स्थानीय तहको वित्तीय सुशासनलाई संस्थागत गर्न जोखिम मूल्याङ्ककन गर्ने परिपाटी छ । यो मुल्यांकनका आधारमा इलाम नगरपालिकासहितका अन्य  ६ वटा स्थानीय तहले झण्डै सत प्रतिशत नजिता निकालेका छन् । 

यी हुन उत्कृष्ट नतिजा ल्याउने ८ पालिका 

ललितपुर महानगरपालिका ९९.५

देउमाइ नगरपालिका ९९.५

इलाम नगरपालिका ९९

सुर्योदय नगरपालिका ९९

कालीगण्डकी गाउँपालिका गुल्मी ९९

धुर्कोट गाउँपालिका गुल्मी ९९

सोलु दूधकुण्ड नगरपालिका ९९

भगवतीमाइ गाउँपालिका दैलेख ९९