निर्वाचन आयोगले स्थापना गर्यो समानुपातिकतर्फको निर्वाचन अधिकृतको कार्यालय
काडमाडौं- निर्वाचन आयोगले आगामी फागुन २१ गते हुने प्रतिनिधिसभा सदस्य निर्वाचनको समानुपातिक प्रणालीतर्फको निर्वाचन अधिकृतको कार्यालय स्थापना गरेको छ ।
कान्तिपथस्थित आयोगको कार्यालय बहादुर भवनमा स्थापना भएको सो कार्यालयको सोमबार (मंसिर १५) एक समारोहबीच कार्यवाहक प्रमुख निर्वाचन आयुक्त रामप्रसाद भण्डारीले उद्घाटन गरे । मंसिर १२ गतेको निर्णयानुसार समानुपातिकतर्फको निर्वाचन अधिकृत तोकिएका आयोगका सचिव माहादेव पन्थले आजै जिम्मेवारी वहन गरेका छन् ।
उक्त निर्वाचन प्रणालीतर्फ सहायक निर्वाचन अधिकृतको रूपमा आयोगका सहसचिव यज्ञप्रसाद भट्टराई तोकिएका आयोगका प्रवक्ता नारायणप्रसाद भट्टराईले जानकारी दिए । समानुपातिक निर्वाचन व्यवस्थापनको लागि कुल ४१ जना कर्मचारीहरू कार्यरत रहनेछन् ।
प्रकाशित मिति: सोमबार, मंसिर १५, २०८२ २०:२९
प्रतिक्रिया दिनुहोस्
थप समाचार
साताको लोकप्रीय
