झापा गाउँपालिकाको टाघनडुब्बा अस्पतालमा स्वास्थ्य बीमा, पालिकाले भन्यो– सहभागी हुनू, सेवा लिनू
काठमाडौँ । झापा जिल्लाको झापा गाउँपालिकामा रहेको आधारभूत अस्पतालमा स्वास्थ्य बीमा कार्यक्रम संचालनमा आएको छ ।
सो गाउँपालिकामा रहेको आधारभूत अस्पताल टाघनडुब्बामा माघ २७ गतेदेखि स्वास्थ्य बीमा कार्यक्रम संचालनमा ल्याइएको गाउँपालिकाकी कार्यवाहक अध्यक्ष अन्जुदेवी थपलियाले जानकारी दिइन् ।
स्वास्थ्य बीमा कार्यक्रमलाई प्रभावकारी रुपमा कार्यान्वयन गर्ने उदेश्यले आधारभूत अस्पताल टाघनडुब्बामा सुरु गरिएको उनले बताइन् ।
गाउँपालिकाले सार्वजनिक सुचना प्रकाशन गरी सोको जानकारी गराएको छ ।
‘स्वास्थ्य बीमा कार्यक्रममा आवद्ध भइ सम्पूर्ण नागरिकहरुले न्यून शुल्कमा गुणस्तरीय स्वास्थ्य सेवा प्राप्त गर्न सक्ने भएकाले सम्पूर्ण नागरिकहरुलाई स्वास्थ्य बीमा कार्यक्रममा सहभागिता जनाई सेवा लिनुहुन हार्दिक अनुरोध गर्दछौं,’ सुचनमा भनिएको छ ।
प्रकाशित मिति: बिहीबार, माघ २९, २०८२ १३:०७
प्रतिक्रिया दिनुहोस्
साताको लोकप्रीय
