पहिरोका कारण देशका केही राजमार्गको यातायात अवरुद्ध
काठमाडौं । लगातारको वर्षासँगै खसेको पहिरोका कारण देशका विभिन्न राजमार्ग अवरुद्ध हुन पुगेका छन् ।
पहिरो खसेसँगै रोशी गाउँपालिका–९ पिन्थलीमा बिपी राजमार्ग अवरुद्ध भएको प्रहरीले जानकारी दिएको छ ।
पहिरोका कारण रोशी गाउँपालिका–८ गिम्दीबेँसीमा पनि पहिरो जाँदा राजमार्ग पूर्ण रुपमा अवरुद्ध हुन पुगेको छ ।
निरन्तर वर्षा भइरहेका कारण तत्काल बाटो खोल्न समस्या भएको प्रहरीको भनाई छ ।
यसैगरी अविरल वर्षापछि गएको पहिरोका कारण बेनी–जोमसोम र बेनी–दरवाङ सडक पनि शनिबार बिहानैदेखि अवरुद्ध बनेका छन् ।
बेनी नगरपालिका र मंगला गाउँपालिकाको सिमाना फापरखेत र बेनी–दरवाङ तथा सिरुवारी, खामभित्तालगायत स्थानमा पहिरो खसेपछि सडक अवरुद्ध भएको प्रहरीले जानकारी दिएको छ ।
प्रकाशित मिति: शनिबार, कात्तिक १४, २०८३ ११:२०
प्रतिक्रिया दिनुहोस्
साताको लोकप्रीय
