काठमाडौँ । स्थानीय सरकारहरु स्थापना भएकादेखि नै उनीहरुले ठूलो रकम भौतिक पूर्वाधारमा खर्च गरिरहेका छन् । स्थानीय सरकारले आफ्नै भवन बनाउन करोडौ खर्च गरिरहदा ९ वर्षदेखि भवन बनाउने विवादमा फसेको थियो बागलुङको काठेखोला गाउँपालिका ।
२०७३ सालबाट प्रशासनिक भवन कहाँ बनाउनेभ नेर सुरु भएको विवाद १७औँ गाउँसभाले बल्ल टुंगो लगाएको छ । बागलुङका १० मध्ये यो मात्रै आफ्नो भवन नभएको पालिका थियो ।
असार १० गते १७औँ गाउँसभाको बैठकमा पालिकाको केन्द्र टुङ्ग्याएर भवन बनाउने विषयमा मतदानसमेत नै गर्नुपर्यो ।
मतदानका क्रममा अक्षते र सुलल्डाँडा मध्ये कुनै एक ठाउँका लागि दुईतिहाइ मत पुगेन । अक्षतेमा प्रशासकीय भवन निर्माण गर्न १५ जना र सुल्डाँडामा बनाउनुपर्छ भन्ने पक्षमा २५ मत परेको थियो । ४३ जना कार्यपालिका रहेको काठेखोलामा दुई जना अनुपस्थित थिए ।
बहुमत नपुगेपछि असार १८ गते सर्वदलीय बैठक बसेर पालिकाको प्रशासनिक केन्द्र अछेते र सुल्डाँडालाई मान्ने र पालिकाको भवन काठेखोला गाउँपालिका–६ स्थित आमपाटामा निर्माण गर्ने सहमति भयो ।
सो सहमतिपछि बिहीबार बसेको १७औँ गाउँसभामा सर्वसम्मत रूपमा पास भएको गाउँपालिकाका अध्यक्ष राजु थापा बताउँछन् ।
आमपाटामा स्थानीयले ६ रोपनी जग्गा निःशुल्क प्रदान गरेको उनकोभ नाइ छ । राजनीतिक दलको एकताका कारण निर्वाचनपछि समेत नटुङ्गिएको भवन निर्माणस्थल सर्वसम्मतिमा टुङ्गो लागेको छ । पालिकाले अहिले मासिक ६० हजार तिरेर सुल्डाँडाबाट सेवा दिँदै आएको छ ।
उता पोखरा महानगरपालिका–५ को सुविधासम्पन्न वडा कार्यालय भवन निर्माण भएको गरेको छ । महानगरको ४ करोड ६४ लाख रुपैयाँ लागतमा चारतले भवन निर्माण भएको हो ।
महानगरका प्रमुख धनराज आचार्यका अनुसार महानगरका ३३ वटा वडामध्ये अब २ वटा वडामा मात्र भवन बन्न बाँकी छ ।
