को हुन् ३३औँ प्रहरी प्रमुख नियुक्त दानबहादुर कार्की ?

वडापालिका मंगलबार, कात्तिक २५, २०८२

को हुन् ३३औँ प्रहरी प्रमुख नियुक्त दानबहादुर कार्की ?

काठमाडौं । सरकारले नेपाल प्रहरीको ३३औँ महानिरीक्षक (आईजीपी) मा अतिरिक्त महानिरीक्षक (एआईजी) दानबहादुर कार्कीलाई नियुक्त गरेको छ । सोमबार बसेको मन्त्रिपरिषद् बैठकले कार्कीलाई प्रहरी प्रमुखमा बढुवा गर्ने निर्णय गरेको हो ।

वर्तमान आईजीपी चन्द्रकुवेर खापुङले प्रहरी नियमावलीमा रहेको ३० वर्षे सेवा अवधिका कारण आगामी बुधबार (कात्तिक २६ गते) मध्यरातबाट अनिवार्य अवकाश पाउँदै छन् । खापुङको अवकाशसँगै रिक्त हुने पदमा सरकारले कार्कीलाई नियुक्त गरेको हो ।

नवनियुक्त आईजीपी कार्की यसअघि काठमाडौं उपत्यका प्रहरी कार्यालय, रानीपोखरीको प्रमुखका रूपमा कार्यरत थिए ।

को हुन् कार्की ?

गुल्मीको मालिका गाउँपालिका–७, घमिरमा २०२९ साल साउन १५ गते जन्मिएका कार्की प्रहरी निरीक्षक (इन्स्पेक्टर) पदबाट २०५४ साल चैत १८ गते सेवा प्रवेश गरेका थिए ।

उनीसँगै आईजीपीका लागि एआईजी राजन अधिकारी, मनोज केसी र सिद्दिविक्रम शाह पनि प्रतिस्पर्धामा थिए ।

प्रमुख अनुसन्धान र कमान्ड अनुभव

कार्कीले एसएसपीको जिम्मेवारीमा हुँदा काठमाडौं जिल्ला प्रहरी परिसरको कमान्ड सम्हालेका थिए । सोही अवधिमा उनले नक्कली भुटानी शरणार्थी प्रकरणको अनुसन्धानको नेतृत्व गरेका थिए ।

काठमाडौं उपत्यका प्रहरी कार्यालयको प्रमुख हुनुअघि उनी प्रहरी प्रधान कार्यालयस्थित मानव स्रोत साधन विभागको प्रमुख थिए ।

यसअघि, डीआईजी हुँदा उनले लुम्बिनी प्रदेश प्रहरी कार्यालयको कमान्ड सम्हालेका थिए । एसपी हुँदा जिल्ला प्रहरी कार्यालय कास्कीलगायत विभिन्न जिल्ला र कार्यालयको नेतृत्व गरेको अनुभव उनीसँग छ ।

उनले आफ्नो कार्यकालमा अख्तियार दुरुपयोग अनुसन्धान आयोग, महानगरीय ट्राफिक प्रहरी महाशाखा, लागु औषध नियन्त्रण ब्युरो र प्रहरी प्रधान कार्यालय इन्टरपोल शाखामा समेत काम गरिसकेका छन् ।

शैक्षिक योग्यता कति ? कहिले भयो पदोन्नति ?

कार्कीले राजनीतिशास्त्रमा स्नातकोत्तर गरेका छन् । उनले मानविकी तथा समाजशास्त्र, शिक्षा शास्त्र र कानुनमा स्नातक तहको अध्ययन पूरा गरेका छन् ।

कार्कीको पदोन्नति यात्रा :