दीपेन्द्रले पाकिस्तानी सुपर लिग खेल्ने, इस्लामबादले गर्यो अनबुन्ध
काठमाडौं । नेपाली राष्ट्रिय क्रिकेट टिमका उपकप्तान दीपेन्द्रसिंह ऐरीले पाकिस्तानको फ्रेन्चाइज क्रिकेट प्रतियोगिता पाकिस्तान सुपर लिग (पीएसएल) खेल्ने भएका छन् ।
दीपेन्द्रलाई सुपर लिगको टिम इस्लामाबाद युनाइटेडले बुधबार (माघ २८) भएको अक्सनबाट ६० लाख पाकिस्तानी रुपैयाँ (३१ लाख नेपाली रुपैयाँ)मा अनुबन्ध गरेको हो ।
पाकिस्तानी सुपर लिगको ११औँ संस्करण यही मार्च २६ देखि ३ मेसम्म हुने तालिका छ । इस्लामबादले हालसम्म तीनपटक पीएसएलको उपाधि जितेको छ । इस्लामबादले पछिल्लो पटक सन् २०२४ संस्करणमा आफ्नो नाममा लेखाएको थियो । नेपालबाट यसअघि सन्दीप लामिछानेले पाकिस्तानी सुपर लिगमा प्रतिस्पर्धा गरेका थिए ।
प्रकाशित मिति: बिहीबार, माघ २९, २०८२ ०६:४७
प्रतिक्रिया दिनुहोस्
साताको लोकप्रीय
