काठमाडौँ । धितोपत्र बजारमा सेयर कारोबार मापन नेप्से परिसूचक आज सामान्य अङ्कले घटेको छ । 

नेपाल स्टक एक्सचेञ्जका अनुसार नेप्से परिसूचक ४.६४ अङ्कले घटेर २६९६.६७ मा पुगेको छ । 

ठूला कम्पनीको कारोबार मापन गर्ने सेन्सेटिभ परिसूचक ०.७०  अङ्कले घटेर ४७०.७९ मा पुगेको छ । त्यस्तै फ्लोट सूचक ०.३१ अङ्कले घटेर १८५.२२ मा पुगेको छ । सेन्सेटिभ फ्लोट सूचक ०.१८ अङ्कले  घटेर १५९.७० मा पुगेको छ । विभिन्न कम्पनीका एक करोड चार लाख २१ हजार ८६३  कित्ता सेयर ४ अर्ब ४२ करोड ७३ लाख पाँच हजार ५४२ रुपैयाँ मूल्यमा खरिद बिक्री भएको छ । 

तेह्र उपसमूहमध्ये चार उपसमूह बढ्यो भने ९ उपसमूह घटेको छ । आज ९८ कम्पनीको सेयर बढ्यो भने १६६ कम्पनीको सेयर घट्यो । त्यसैगरी  १३ कम्पनीको सेयर स्थिर रह्यो ।

नेप्सेका अनुसार आज एभरेष्ट कलर लिमिटेड, लक्ष्मी उन्नति कोष, गरिमा समृद्धि योजनाका लगानीकर्ताले कमाएका छन् भने कुथेली बुखरी स्मल हाइड्रोपावर, सिद्धार्थ इक्युटि फण्ड, मेगा म्युचुअल फण्डलगायत लगानीकर्ताले गुमाएका छन् ।