आज देशभरको मौसम मुख्यतया सफा रहने
काठमाडौं । आज देशभरको तापक्रम मुख्यतया सफा रहने जल तथा मौसम पूर्वानुमान महाशाखाले जनाएको छ ।
महाशाखाका अनुसार हाल नेपालमा पश्चिमी वायूको आंशिक प्रभाव रहेकाले देशका हिमाली र पहाडी भू–भागमा आंशिक बादल लाग्नेछ ।
आज दिउँसो कोशी, मधेश, बागमती, गण्डकी र लुम्बिनी प्रदेशका सबै भू–भागमा साथै कर्णाली र सुदूरपश्चिम प्रदेशको हिमाली र पहाडी भू–भागमा आंशिक बादल लाग्नेछ भने बाँकी भू–भागमा मौसम मुख्यतया सफा रहनेछ ।
कोशी र गण्डकी प्रदेशको हिमाली र पहाडी भू–भागका एक–दुई स्थानमा हल्का वर्षाको सम्भावना रहेको महाशाखाले जनाएको छ ।
यसैगरी भरे राति पनि कोशी, मधेश, बागमती र गण्डकी प्रदेशका सबै भू–भागमा आंशिक बादल लाग्नेछ । देशको बाँकी भू–भागमा मौसम मूख्यतया सफा रहने छ । तराई भू–भाग, उपत्यका तथा खोँचहरूमा बिहानपख थोरै स्थानमा हुस्सु÷कुहिरो लाग्नेछ ।
प्रकाशित मिति: बुधबार, कात्तिक १८, २०८३ ०६:४२
प्रतिक्रिया दिनुहोस्
साताको लोकप्रीय
