काठमाडौं । दुई दिने औपचारिक भ्रमणका लागि भारतका विदेश सचिव विक्रम मिश्री आज काठमाडौं आइपुग्दैछन् ।
प्रधानमन्त्री वालेन्द्र शाहको भारत भ्रमणको तयारीका लागि विदेश सचिव मिश्रीले नेपाल भ्रमण गर्न लागेका हुन् ।
भ्रमणका क्रममा नेपालका परराष्ट्र सचिव अमृतकुमार राई र भारतीय विदेश सचिव मिश्रीबीच द्विपक्षीय वार्ता हुने कार्यक्रम रहेको परराष्ट्र मन्त्रालयले जनाएको छ ।
वार्तामा नेपाल–भारत सम्बन्धका समग्र पक्षको समीक्षा गर्नुका साथै आपसी हितका विभिन्न विषयमा विचार आदानप्रदान हुने मन्त्रालयले उल्लेख गरेको छ ।
नेपाल र भारतबीच लामो समयदेखि रहेको घनिष्ठ तथा मैत्रीपूर्ण सम्बन्धलाई थप सुदृढ बनाउने विषयमा पनि सो अवसरमा छलफल हुनेछ ।
भ्रमणका क्रममा मिश्रीले नेपालका उच्चस्तरीय पदाधिकारीहरूसँग शिष्टाचार भेटघाटसमेत गर्ने कार्यक्रम छ ।
विदेश सचिव मिश्री दुई दिने भ्रमण पूरा गरी बिहीबार स्वदेश फर्किनेछन् ।
