गुण्डु पुगेर गगनले केपी ओलीसँग के कुरा गरे ?
काठमाडौं । नेपाली कांग्रेसका सभापति गगन थापाले एमाले अध्यक्ष केपी शर्मा ओलीसँग छलफल गरेका छन् । सभापति थापा ओलीलाई भेट्न उनकै निवास गुण्डु पुगेका थिए ।
मंगलबार साँझ गुण्डुस्थित ओली निवासमा थापा र ओलीबीच करिब १ घन्टा कुराकानी भएको थियो । भेटमा मधेश सरकारबारे कुराकानी भएको सभापति थापानिकट स्रोतको दाबी छ ।
योसँगै थापा र ओलीबीच पछिल्ला राजनीतिक घटनाक्रम र समसामयिक विषयमा कुराकानी भएको बताइएको छ ।
थापा पछिल्ला केही दिनदेखि सरकारप्रति निकै आक्रामक छन् । ओली सुरुदेखि नै सरकारसँग आक्रामक थिए ।
दुई मुख्य कम्युनिस्ट पार्टीहरु नेकपा एमाले र नेपाली कम्युनिस्ट पार्टी सरकारका गतिविधिविरुद्ध सडक आन्दोलनको पक्षमा छन् ।
यही बेला काँग्रेस सभापति थापाले गुण्डुमै पुगेर गरेको भेटलाई अर्थपूर्ण रुपमा हेरिएको छ ।
प्रकाशित मिति: बुधबार, कात्तिक १८, २०८३ ०७:५६
प्रतिक्रिया दिनुहोस्
साताको लोकप्रीय
