देशका केही हिमाली क्षेत्रमा हल्का वर्षाको सम्भावना

काठमाडौं । आज देशका हिमाली क्षेत्रमा हल्का वर्षाको सम्भावना रहेको जल तथा मौसम पूर्वानुमान महाशाखाले जनाएको छ । 

महाशाखाका अनुसार हाल नेपालमा पश्चिमी न्युनचापीय प्रणालीको आंशिक प्रभाव रहेका कारण हाल कर्णाली प्रदेश लगायत बाँकी हिमाली भू–भागमा साधारणतया बादल लागेको छ भने बाँकी पहाडी भू–भागमा आंशिक बादल लागेको छ । 

तराई भू–भागका केही स्थानमा तुवाँलो लागेको छ भने बाँकी भू–भागमा मौसम मुख्यतयता सफा रहेको महाशाखाले उल्लेख गरेको छ ।

आज दिउँसो कोशी प्रदेश लगायत बागमती र गण्डकी प्रदेशको हिमाली र पहाडी भू–भागमा आंशिक बादल लाग्नेछ भने बाँकी भू–भागमा मौसम मूख्यतया सफा रहनेछ । 

कोशी प्रदेशको हिमाली र पहाडी भू–भाग तथा बागमती र गण्डकी प्रदेशको हिमाली भू–भागको एक–दुई स्थानमा हल्का वर्षा/हिमपातको सम्भावना छ ।

राति पनि कोशी, बागमती, गण्डकी र लुम्बिनी प्रदेशको हिमाली र पहाडी भू–भागमा आंशिक बादल लाग्नेछ भने बाँकी भू–भागमा मौसम मुख्यतया सफा रहनेछ । 

तराई भू–भाग, उपत्यका तथा खोँचहरूमा बिहानपख थोरै स्थानमा हुस्सु/कुहिरो लाग्नेछ । कोशी तथा गण्डकी प्रदेशको हिमाली भू–भागको एक–दुई स्थानमा हल्का वर्षा/हिमपातको सम्भावना छ ।

प्रकाशित मिति: सोमबार, कात्तिक ३०, २०८३  ०७:२७
प्रतिक्रिया दिनुहोस्
साताको लोकप्रीय
Weather Update