काठमाडौं । अर्जेन्टिनाले अन्तर्राष्ट्रिय मैत्रीपूर्ण खेलमा कोस्टारिकामाथि गोल वर्षा गरेको छ । नियमित कप्तान लियोनल मेस्सीको सन्न्यासपछि अर्जेन्टिनाले पहिलो जित हासिल गर्ने क्रममा कोस्टारिकालाई ७–० ले हराएको हो ।
अर्जेन्टिनाको जितमा निको पाज, जुलियन अल्भारेज र फ्रान्को मास्टान्टुओनोले २–२ गोल गरे भने एलेक्सिस म्याक एलिस्टरले एक गोल थपे ।
खेलको आठौं मिनेटमा नै निको पाजले गोल गर्दै अग्रता दिलाएका थिए भने उनले ३९औं मिनेटमा व्यक्तिगत दोस्रो गोल गरे ।
अल्भारेजले पहिलो हाफकै ३५औं र ४३औं मिनेटमा गोल गरेपछि पहिलो हाफमै अर्जेन्टिनाले ४–० को अग्रता बनाएको थियो ।
दोस्रो हाफको सुरुमै मैदान प्रवेश गरेका मास्टान्टुओनोले ४८औं र ८९औं मिनेटमा गोल गरे भने म्याक एलिस्टरले ७८औं मिनेटमा गोल गरे ।
यसअघि १४ नोभेम्बरमा भएको मैत्रीपूर्ण खेलमा अर्जेन्टिना उरुग्वेसँग २–१ ले पराजित भएको थियो ।



