सभापति देउवाद्वारा विशेष महाधिवेशनको निमन्त्रणा अस्वीकार
काठमाडौं- नेपाली कांग्रेस सभापति शेरबहादुर देउवाले विशेष महाधिवेशनको निम्तो अस्वीकार गरेका छन्।
विशेष महाधिवेशनमा सहभागिताका लागि पत्र बोकेर पुगेका रामपल्टन साह र मोती भण्डारीलाई देउवाका स्वकीय सचिवले नै फर्काइदिएका छन्।
हरसमयसँगको कुराकानीमा साहले सभापति देउवाले पत्र बुझ्न नमानेको जानकारी दिए । भित्र बैठकमा रहेका देउवालाई भेट गरेर पत्र बुझाउने तयारी भए पनि आधा घण्टासम्म बस्दा पनि ननिस्किएपछि स्वकीय सचिव भानु देउवालाई दिएको पत्र फर्काइदिएको साहले बताए ।
'यस्तो पत्र बोकेर पार्टी सभापतिकहाँ आउन तपाईंलाई लाज लाग्दैन ?,' भानु देउवाको भनाइ उद्धृत गर्दै साहले भने ।
प्रकाशित मिति: शनिबार, पुस २६, २०८२ १९:५८
प्रतिक्रिया दिनुहोस्
थप समाचार
साताको लोकप्रीय
