गोलबजार नगरपालिकाको वडा नं. ६ ले अब आफ्नै भवनबाट सेवा दिने
काठमाडौँ । सिरहाको गोलबजार नगरपालिकाको ६ नम्बर वडा कार्यालयले अब आफ्नै भवन निर्माण गरी सेवा प्रवाह सुरु गरेको छ ।
लामो समयदेखि भाडाको घरबाट प्रशासनिक कार्य सञ्चालन गर्दै आएको वडा कार्यालयले सोमबारदेखि आफ्नै भवनबाट कार्य प्रारम्भ गरेको हो ।
नगरपालिकाको ५० लाख रुपैयाँमा भवन निर्माण सम्पन्न गरी सोमबार मेयर श्यामकुमार श्रेष्ठ र वडाध्यक्ष सञ्जित लामाले संयुक्त रूपमा उद्घाटन गरेका हुन् ।
मेयर श्रेष्ठले आफ्नै भवन नहुँदा विगतमा सेवाग्राहीले भोग्नुपरेको सास्ती अब अन्त्य भएको बताए । उक्त भवन निर्माणका लागि स्थानीय मीनकुमार तामाङ र अमरकुमार तामाङले दुई कट्ठा पाँच धुर जग्गा निःशुल्क उपलब्ध गराएका थिए ।
प्रकाशित मिति: मंगलबार, वैशाख २२, २०८३ १२:१६
प्रतिक्रिया दिनुहोस्
थप पूर्वाधार
साताको लोकप्रीय
