काठमाडौं । अर्थमन्त्री डा. स्वर्णिम वाग्लेले आज २० वाणिज्य बैंकका प्रमुख कार्यकारी अधिकृत (सिइओ) हरुसँग छलफल गर्ने भएका छन् ।

मन्त्री वाग्लेको सचिवालयले दिएको जानकारी अनुसार मंगलबार दिउसो ३ बजे अर्थ मन्त्रालयमा छलफल हुनेछ ।

बजेटले घोषणा गरेको आर्थिक सुधारका उपायहरूको कार्यन्वयनमा प्रमुख वित्तीय संस्थाहरुको भूमिका र वित्तीय बजारको वर्तमान अवस्थाबारे जानकारी लिन मन्त्री डा. वाग्लेले सिइओहरुलाई छलफलमा बोलाएका हुन् ।

छलफलमा नेपाल राष्ट्र बैकले क श्रेणीमा राखेका २० वाणिज्य बैंकका प्रमुख कार्यकारी अधिकृतहरु सहभागी हुने तय भएको छ ।