काठमाडौँ । बैतडीको शिवनाथ गाउँपालिकाले कोदो खेती गर्ने कृषकहरुलाई अनुदान दिन थालेको छ । कोदो खोती प्रवद्र्धन गर्न किसानलाई ४ लाख रुपैयाँ अनुदान दिन प्रस्ताव गरिएको गाउँपालिकाले जनाएको छ ।
कोदो खेती गर्न चाहने किसानले कम्तीमा २ रोपनीमा खेती गर्नुपर्ने र प्रतिरोपनी ७०० रुपैयाँका दरले अनुदान उपलव्ध गराउने गाउँपालिकाले जनाएको छ ।
गाउँपालिकामा पछिल्लो समय कोदो खेती घट्न थालेपछि किसानलाई अनुदान दिएर खेती प्रवद्र्धन गर्न लागिएको गाउँपालिका अध्यक्ष कर्णसिंह साउद बताउँछन् ।
प्रदेश सरकारले दिएको बजेट स्थानयिलार्य दिन लागेको पालिकाले यसअघि गर्भवती आमाहरूलाई कोसेलीका रूपमा कोदोको पिठो दिने निर्णय गरेको थियो । कोदो लगाउने चलन हराउँदै जान थालेपछि किसानलाई उत्पे्ररणा दिन कोदोमा अनुदान कार्यक्रम सुरु भएको गाउँपालिका अध्यक्ष साउद बताउँछन् ।
पालिकाभित्रका विद्यालयमा दिवा खाजाका रूपमा विद्यार्थीलाई कोदोका परिकार बनाएर खुवाउने निर्णय गरिएको पनि उनी बताउँछन् ।
पालिकाले व्यावसायिक मौरीपालन सीप विकास तालिम दिने र प्राविधिक सहयोग गर्ने कार्यक्रम पनि एकसाथ अघि बढाइरहेको पालिका अध्यक्षको भनाइ छ । रैथाने बालीका अतिरिक्त मौरी पालन व्यवसायमा स्थानीयलाई आकिर्षत गर्न यस्ता कार्यक्रम सुरु गरिएको उनको भनाइ छ ।
