काठमाडौँ । बाराको सिमरा विमानस्थल क्षेत्रमा नेकपा एमाले र जेनजी युवाबीच झडप भएपछि कर्फ्यू लगाइएको छ ।
जिल्ला प्रशासन कार्यालय बाराले सिमरामा कर्फ्यू आदेश जारी गरेको हो ।
बाराको सिमरामा भएको झडपमापछि स्थिति भड्किन नदिने कर्फ्यू लगाइएको स्थानीय प्रशासनले जानकारी दिएको छ ।
गण्डक नहरदेखि पथलैया सडकखण्डको दायाँ बायाँ ५०० मिटर र सिमरा विमानस्थलको वरिपरि ५०० मिटरसम्म बुधबार दिउँसो साढे १२ बजेदेखि राति ८ बजेसम्म कुनै पनि प्रकारको भेला, जुलस, प्रदर्शन, सभा, बैठक, घेराउ लगायतका कार्यक्रम गर्न प्रतिबन्ध लगाइएको छ ।
एमाले नेता महेश बस्नेत आउने भएपछि बाराको सिमरामा प्रहरी र जेनजी युवाबीच झडप भएको छ ।
सिमरा एयरपोर्टमा जेनजीले विरोधको कार्यक्रम गरिराख्दा युवा संघका कार्यकर्तासँग भानाभान भएको थियो ।
त्यस क्रममा प्रहरी र जेनजीबीच झडप भएको हो । झडपका कारण त्यहाँको अवस्था अहिले तनावग्रस्त बनेको छ ।
युवा जनजागरण अभियान कार्यक्रम अन्तर्गत आज बाराको परवानीपुरमा नेकपा एमालेका युवा संगठन युवा संघले मधेश प्रदेश स्तरीय कार्यक्रम आयोजन गरेको छ ।
कार्यक्रम सम्बोधन गर्नका लागि एमालेका वरिष्ठ उपाध्यक्ष ईश्वर पोखरेल र नेता महेश बस्नेत आउने तय भएको थियो ।
उनीहरूलाई रोक्न जेनजी युवाहरू सक्रिय भएका छन्।
