४ सय ३८ किलो गाँजासहित मकवानपुरबाट दुईजना पक्राउ
काठमाडौँ । ठूलो परिमाणको लागुऔषध गाँजासहित मकवानपुरबाट दुई जनालाई प्रहरीले पक्राउ गरेको छ । कैलाश गाउँपालिका-१० बस्ने २७ वर्षीय राम बहादुर मोक्तानसमेत २ जनालाई गए राति प्रहरीले पक्राउ गरेको हो ।
भीमफेदी गाउँपालिका-२ चुनियाबाट गाँजा करिब ४ सय ३८ किलोग्रामसहित प्रहरी चौकी भैसेबाट खटिएको टोलीले उनीहरूलाई पक्राउ गरेको हो ।
साथै उनीहरूले प्रयोग गरेको लु.१ च २१५२ नम्बरको बोलेरो गाडी र बा. प्र.०३-००५ प ४५७६ नम्बरको मोटरसाइकल समेत प्रहरीले बरामद गरेको छ ।
प्रकाशित मिति: बिहीबार, फागुन ७, २०८२ ०६:४८
प्रतिक्रिया दिनुहोस्
साताको लोकप्रीय
