दंगीशरण गाउँपालिकाले दियो किसानलाई ५० प्रतिशत अनुदानमा कृषि उपकरण
दाङ । पश्चिम दाङको दङ्गीशरण गाउँपालिकाले किसानलाई आधुनिक खेती प्रणालीतर्फ आत्मनिर्भर बनाउने उद्देश्यले ५० प्रतिशत अनुदानमा कृषि उपकरण वितरण गरेको छ ।
गाउँपालिकाले २६ लाख २२ हजार २१४ रुपैयाँ बराबरका कृषि उपकरण किसानलाई वितरण गरिएको गाउँपालिकाका प्रमुख प्रशासकीय अधिकृत कर्णबहादुर नेपालीले जानकारी दिए ।
गाउँपालिकाका अनुसार आर्थिक वर्ष २०८३/८४ को स्वीकृत वार्षिक कार्यक्रमअन्तर्गत कृषि शाखाबाट ६ लाख र हेफर नामक गैरसरकारी संस्थाबाट १० लाख गरी जम्मा १६ लाख रुपैयाँ र किसानका तर्फबाट १६ लाख रुपैयाँ जम्मा भएमध्येबाट बोलपत्र प्रक्रिया गरी अनुदानमा कृषि उपकरण वितरण गरिएको हो ।
मिनीट्रिलर २०, रिपर पाँच, चापकटर ११ पानी तान्ने १८ वटा पम्प ५५ जना किसानलाई अनुदानमा वितरण गरिएको छ ।
प्रकाशित मिति: मंगलबार, जेठ २६, २०८३ १६:०९
प्रतिक्रिया दिनुहोस्
साताको लोकप्रीय
