काठमाडौं । नेपाल इन्भेस्टमेन्ट मेगा बैंक लिमिटेड ९एनआईएमबी० ले नेपालमै पहिलो पटक ‘पीओएस मेसिन’ मार्फत भुक्तानी गर्दा ‘इन्स्ट्यान्ट ईएमआई’ सुविधा ल्याएको छ ।
ग्राहक अनुभव अझ सहज, स्मार्ट र प्रविधिमैत्री बनाउँदै एनआईएमबी नेपालमै पहिलो पटक यस्तो सुविधा सुरु गरेको हो ।
अबदेखि एनआईएमबी क्रेडिट कार्ड प्रयोगकर्ताले कुनै पनि व्यापारिक स्थानमा एनआईएमबी पीओएस मेसिन मार्फत भुक्तानी गर्दा सोही क्षणदेखि किस्ताबन्दी ईएमआई सुविधा प्रयोग गर्न सक्नेछन् ।
बैंकका अनुसार यो सुविधा ग्राहकले ठूलो खर्चलाई सानो मासिक किस्तामा विभाजन गरेर सजिलै तिर्न सक्ने प्रणाली हो, जुन छुट्टै आवेदन प्रक्रिया वा कुर्नुपर्ने झन्झटविनै तुरुन्तै उपलब्ध हुनेछ ।
बैंकले इन्स्ट्यान्ट ईएमआई सुविधा सुरु गर्नुको उद्देश्य ग्राहकलाई आर्थिक लचिलोपन प्रदान गर्नुका साथै डिजिटल कारोबार अझ सहज बनाउनु रहेको जनाएको छ ।
यस सुविधाले विशेषगरी घरायसी सामान, विद्युतीय उपकरण, ग्याजेट, यात्राजस्ता सेवा खरिद गर्न चाहने ग्राहकलाई सस्तो मासिक किस्तामा भुक्तानी गर्ने विकल्प प्रदान गर्ने छ ।
सरल प्रक्रिया मार्फत स्वचालित रूपमा सुरु हुने यो सुविधाले डिजिटल बैंकिङप्रतिको विश्वास र प्रयोगलाई थप सशक्त बनाउने विश्वास बैंकको छ ।
