कञ्चनपुर–३ को वडागत हिसावः गठबन्धन नहुँदा कांग्रेसलाई लाभ, अंकमा नदेखिए पनि कम छैन रास्वपाको राप र ताप

वडापालिका सोमबार, माघ २६, २०८२

कञ्चनपुर–३ को वडागत हिसावः गठबन्धन नहुँदा कांग्रेसलाई लाभ, अंकमा नदेखिए पनि कम छैन रास्वपाको राप र ताप

काठमाडौँ । फागुन २१ गतेको लागि तोकिएको प्रतिनिधिसभासभा निर्वाचन नजिकिदै गर्दा राजनीतिक दल र कार्यकता मात्रै होइन, आम मतदाता पनि चुनावी हिसाव किताबमा लागेका छन् । कुन क्षेत्रमा कसको पल्लाभारी हुने भन्ने चर्चाले चुनावी माहोल अझ रोचक बनाएको छ ।

यसपालिको चुनावको सबैभन्दा रोचक पक्ष नै राष्ट्रिय स्वतन्त्र पार्टी (रास्वपा) छ । किनभने चुनावमा कसले जित्ला भनेर हिसाव किताब गर्नको लागि विगतका चुनावहरुको अंकलाई लिएर पनि विश्लेषण गर्ने गरिन्छ । तर, यसपालि फरक अवस्था छ । विगतको एउटा मात्रै चुनावमा भाग लिएको राष्ट्रिय स्वतन्त्र पार्टीले प्रत्यक्षतर्फ चुनाव नजितेको ठाउँमा निकै कम मत पाएको थियो भने समानुपातिकतर्फ पनि सहरी क्षेत्रबाट मात्रै मत पाएको थियो । गत स्थानीय तह र प्रदेश निर्वाचनमा रास्वपा सहभागी नै भएको थिएन ।

यसपालि फरक अवस्था छ । देशभरका कुनाकाप्चासम्म रास्वपाको चर्चा चलेको छ । रास्वपाका उम्मेदवारको अवस्था के कस्तो हुन्छ भनेर आकलन गर्ने एक मात्रै आधार चुनावी माहोल भएको छ ।

यही पृष्ठभूमिमा पनि वडापालिकाले २०७९ सालको प्रतिनिधिसभा, प्रदेश सभा र स्थानीय तहको निर्वाचन परिणामको आधारमा चुनावी अवस्थाको विश्लेषण तयार पारेको छ । आज हामीले सुदूरपश्चिम प्रदेशको कञ्चनपुर–३ को चुनावी विश्लेषण तयार पारेका छौं, जुन क्षेत्रमा महाकाली पारीका दोधारा चाँदनी पनि पर्छन् ।

सो क्षेत्रबाट यसअघि नेपाली कांग्रेसका नेता रमेश लेखक विजयी भएका थिए । लेखकले ३० हजार ५७५ मत ल्याएका थिए भने उनका निकटमत प्रतिस्पर्धी नेकपा एमालेका निरुदेवी पालले १८ हजार ४८५ मत पाएकी थिइन् । सो क्षेत्रमा तत्कालिन नेकपा माओवादी केन्द्र र नेकपा एसले नेपाली कांग्रेसका उम्मेदवार लेखकलाई समर्थन गरेका थिए भने एमाले उम्मेदवार पाललाई राष्ट्रिय प्रजातन्त्र पार्टीले समर्थन गरेको थियो । कञ्चनपुर ३ मा राष्ट्रिय प्रजातन्त्र पार्टीको पनि राम्रो मत रहेको तथ्यांकले देखाउँछ ।

कांग्रेस नेता लेखक भदौ २३ गतेको जेनजी प्रदर्शनको समयमा गृहमन्त्री थिए । यसपालि कांग्रेसले लेखकलाई टिकट दिएन ।

यसपालि नेपाल कांग्रेसले सो क्षेत्रबाट हरिप्रसाद बोहोरालाई उम्मेदवार बनाएको छ । उनी नेपाली कांग्रेसको कञ्चनपुर जिल्ला समितिको पूर्वसभापति पनि हुन् । यस्तै, एमालेले डा. दिपकप्रसाद भटट्लाई उम्मेदवार बनाएको छ । डा. भट्ट २०७४ सालको प्रतिनिधिसभा निर्वाचनमा सोही क्षेत्रबाट निर्वाचित भएका थिए भने २०७९ सालमा नेपाली कांग्रेसका उम्मेदवार लेखकसँग पराजित भएका थिए ।

सो क्षेत्रबाट नेपाली कम्युनिष्ट पार्टी (नेकपा) ले मानबहादुर सुनारलाई उम्मेदवार बनाएको छ । तत्कालिन नेकपा माओवादी केन्द्र, नेकपा एससहितका दलहरु मिलेर नेकपा बनेको हो ।

अहिले चर्चामा रहेको राष्ट्रिय स्वतन्त्र पार्टी (रास्वपा) भने कञ्चनपुर–३ बाट ज्ञानेन्द्र सिंह महतालाई उम्मेदबार बनाएको छ । विगतको निर्वाचनमा कुन दलको कति मत थियो भन्ने विवरण यहाँ प्रस्तुत गरिएको छः

२०७९ को प्रतिनिधिसभा निर्वाचनको मत (प्रत्यक्षतर्फ)

रमेश लेखक, नेपाली कांग्रेस– ३०,५७५ विजयी
निरुदेवी पाल, नेकपा एमाले– १८,४८५ (२)
कृष्ण लुहार, रास्वपा– २,०३१ (३)

२०७९ को प्रतिनिधिसभा निर्वाचनको मत (समानुपातिकतर्फ)

नेपाली कांग्रेस २०,५७१
नेकपा एमाले– ११,८१६
नेकपा (माओवादी र नेकपा एस जोडेर)– ८,३९५
राप्रपा– ६,०२६
रास्वपा– ४,९००

कञ्चनपुर–३ मा कञ्चनरपुर जिल्लाको भीमदत्त नगरपालिका, दोधारा चाँदनी नगरपालिका र बेदकोट नगरपालिकाको वडा नं. ८ पर्छ । भीमदत्त नगरपालिकाको मेयर नेपाली कांग्रेसले फराकिलो मतान्तरले जितेको थियो भने बहुमत वडाहरु पनि कांग्रेसले नै जितेको छ । यस्तै, दोधारा चाँदनी नगरपालिकाको मेयर करिब एक हजार मतान्तरले नेकपा एमालेले जितेको छ । दोधारा चाँदनी नगरपालिकाको मेयरमा निकटतम प्रतिस्पर्धी नेपाली कांग्रेस थियो ।

यस्तै, बेदकोट नगरपालिकाको मेयर नेकाका भोजराज बोहोरा ८ हजार ७८ मत ल्याएर विजयी भएका थिए भने दोस्रोमा एमालेका शुशीला सिंहले ४ हजार ७४ मत ल्याइन् । यद्यपि, कन्चनपुर ३ मा बेदकोट नगरपालिकाको वडा नं. ८ मात्रै पर्छ । सो वडामा नेपाली कांग्रेस ६६९ मत ल्याएर विजयी भएको थियो भने निकटमत प्रतिस्पर्धी एमालेले ५३० मत पाएको थियो ।

भीमदत्त नगरपालिका

मेयर