पनौती नगरपालिकाले ६० वर्षमाथिका जेष्ठ नागरिकलाई निःशुल्क कृत्रिम दाँत दिने
काठमाडौँ । काभ्रेपलाञ्चोक जिल्लाको पनौती नगरपालिकाले ६० वर्ष उमेरभन्दा माथिका नागरिकलाई आवश्यक परेमा निःशुल्क कृत्रिम दाँत उपलब्ध गराउने भएको छ ।
चैत १० गतेदेखि सुरु भएर चैत २० सम्ममा नगरपालिकाभित्रका सबै वडामा शिविर संचालन गर्ने र परीक्षण पश्चात आवश्यक भएमा निःशुल्क किृत्रिम दाँत उपलब्ध गराउने तयारी भएको नगरपालिकाका प्रमुख प्रशासकीय अधिकृत नोखीराम ओलीले जानकारी दिए ।
नगरपालिकाले बनेपाको सुप्रिम डेन्टलको प्राविधिक सहयोगमा सबै वडामा शिविर नै संचालन गर्न लागेको हो । शिवरमा निःशुल्क रुपमा मुख र दाँतको परीक्षण समेत गरिने नगरपालिकाले जानकारी दिएको छ ।
प्रकाशित मिति: शुक्रबार, चैत ६, २०८२ १२:२९
प्रतिक्रिया दिनुहोस्
थप शिक्षा/स्वास्थ्य
साताको लोकप्रीय
