जेनजी विद्रोहमा गाडी जलेपछि मोटरसाइकल चढ्छन् मेयर रेग्मी, गाडी खरिदको बजेटले शववाहन
चितवन । चितवनको कालिका नगरपालिकाले मेयरको गाडी किन्ने बजेटबाट शववाहन खरिद गरेको छ ।
गत भदौमा भएको जेनजी आन्दोलनका क्रममा मेयरको सहित तीन वटा गाडी जलेको थियो । मेयरले मोटरसाइकल प्रयोग गरेर शववाहन खरिद गरिएको हो ।
मेयर विनोद रेग्मीले ३१ लाख रुपैयाँमा शववाहन खरिद गरिएको बताए ।
‘नगरपालिकामा एउटा पनि गाडी छैन, मेयरका लागि गाडी खरिद गर्ने भनेर बजेट छुट्याइएको थियो, त्यसबाट शववाहन खरिद गरियो,’ उनले भने ।
जिल्लाको पहाडी भूभागसमेत पर्ने नगरपालिकाका विपन्न समुदायले मृत्युपछि अन्त्येष्टिका लागि लैजान सवारीमा खर्च गर्न नसक्ने भएकाले निःशुल्क सञ्चालन गर्न शववाहन खरिद गरेको मेयर रेग्मीले बताए ।
कतिपय खाडीमुलुकबाट काठमाडौँसम्म ल्याएको शवसमेत ल्याउन समस्या हुने गरेकाले शववाहनलाई प्राथमिकता दिएको उनको भनाइ छ ।
प्रकाशित मिति: मंगलबार, वैशाख २९, २०८३ १३:१७
प्रतिक्रिया दिनुहोस्
थप समाचार
साताको लोकप्रीय
