एमालेले किन बोलायो काठमाडौँ उपत्यकाका स्थानीय तहका जनप्रतिनिधिहरु ?
काठमाडौँ । नेकपा एमालेका महासचिव शंकर पोखरेलले काठमाडौँ उपत्यकाका स्थानीय तहहरुमा नेकपा एमालेबाट उम्मेदवार बनेर विजयी भएका वडाध्यक्ष तथा सदस्यहरुलाई पार्टी कार्यालयमा बोलाएर छलफल गरेका छन् ।
बैशाख ११ गते लोकतन्त्र दिवसको दिन युवा सेलेब्रेसन आयोजना गर्न लागिएको र त्यसैको तयारीका लागि निर्वाचित जनप्रतिनिधिसँग एमाले महासचिव पोखरेलले तयारी छलफल गरेका हुन् ।
लोकतन्त्र दिवसलाई जनताले जितेको दिनको रुपमा मनाउन लागिएको एमाले नेता महेश बस्नेतले जानकारी दिए ।
‘बैशाख–११ गते बनेकाहरु जनताले जितेको दिन नेकपा एमालेको आयोजनामा हुने युवा सेलिब्रेसन भव्य बनाउने बिषयमा पार्टी महासचिव शङ्कर पोखरेलसँग काठमाडौं उपत्यकाका पालीकाहरूका निर्वाचित जनप्रतिनिधि सँग भेटघाट भएको छ,’ नेता बस्नेतले भने ।
प्रकाशित मिति: आइतबार, वैशाख ७, २०८२ ११:४७
प्रतिक्रिया दिनुहोस्
थप समाचार
